Каспий құбыр консорциумы (КҚК) наурыз айына арналған CPC Blend маркалы мұнай экспорты жоспарын қайта қарады, деп хабарлайды Reuters агенттігі үш салалық дереккөзге сілтеме жасап.

Бұрын тәулігіне 1,7 млн баррель деп жоспарланған тиеу көлемі 1,4–1,5 млн баррельге дейін төмендетілген. Бұл төмендеу шамамен 15%-ды құрауы мүмкін.

Дереккөздердің айтуынша, жоспардың түзетілуіне әрқайсысы 140 мың тонна болатын сегіз партиядан бас тарту себеп болды. Бұған қолайсыз ауа райы және ұшқышсыз ұшу аппараттарының шабуыл қаупі байланысты, олар жиі жарияланатын дабылдар арқылы CPC Blend экспортына кері әсер тигізіп отыр.

Ақпан айында КҚК тәулігіне шамамен 1,1 млн баррель мұнай жөнелтті. Сол кезде де кестенің бұзылуы және Теңіз кен орнындағы өндіріс мәселелері көрсеткіштің төмендеуіне ықпал еткен. Қазір Теңізде өндіріс көлемін қалпына келтіру жұмыстары жүргізіліп жатыр.

Консорциум және Қазақстанның Энергетика министрлігі жөнелтілімдер бойынша ресми түсініктеме берген жоқ.