Ормуз бұғазы арқылы кеме қатынасын қалпына келтіру мәселесін 40-қа жуық мемлекет талқылады.

Кездесу Ұлыбритания бастамасымен өтіп, негізгі назар дипломатиялық шешімдерге аударылды. Күш қолдану мәселесі күн тәртібінде қарастырылмаған.

Жиында кеме иелерінің сенімін арттыру, сақтандыру шығындарын азайту және экономикалық тәуекелдерді төмендету жолдары сөз болды. Келіссөздерге Германия, Франция, Канада, Біріккен Араб Әмірліктері және Үндістан қатысты.

Бұған дейін Иран аймақтағы қақтығыс аясында бұғазды жабуы мүмкін екенін ескерткен. Сарапшылар бұл жағдай әлемдік энергия нарығына қысым түсіріп отырғанын айтады.