«Украина президенті Владимир Зеленскийдің кесірінен ел жеңілу алдында тұр, ол отставкаға кетуі керек».

Мұндай үндеуді Жоғарғы Рада депутаты Александр Дубинский өзінің Telegram-арнасында жасады. Оның айтуынша, күн сайын атысты тоқтатудан бас тарту Украинаның ұрыс даласындағы да, келіссөз үстеліндегі абырой-беделін төмендетіп жатыр. Депутат Зеленскийдің күн сайын келіссөз жүргізе алмауы жерімізді ғана емес, адамдарды да жоғалтуға әкелетінін атап өтті.

«Сондықтан соғысты дереу және тез арада тоқтату керек. Мұны Зеленскийдің өзі істеуі тиіс. Содан кейін ол өзінің әрекеттері арқылы стратегиялық жеңілістің шегіне жеткізген мемлекет үкіметінен кетуі керек», – деді Дубинский.

Сондай-ақ, ол билікке келетін жаңа президент келіссөздер жүргізуге мәжбүр болатыны сөзсіз деді.

Бұған дейін Нидерланды Қорғаныс министрлігінің басшысы Рубен Брекельманс Еуропалық Одақ АҚШ-тың жаңадан сайланған президенті Дональд Трампқа дейін Украинадағы қақтығысты реттеу бойынша келіссөздерге кірісуі керек, деп мәлімдеген.

Оның пікірінше, Трамп «Еуропадағы қауіпсіздік архитектурасының болашағын Ресей президенті Владимир Путинмен бірге шеше алмаса келіссөздер үстелінде еуропа елдері өкілдерінің болуын қамтамасыз етуі керек».