Қаржы министрлігінің Мемлекеттік кірістер комитеті салық төлеушілерге 1414 нөмірінен салық органына келу қажеттігі туралы SMS-хабарлама жолдай бастайды.

Ведомствоның хабарлауынша, 2025 жылдың қараша айынан бастап мемлекеттік кірістер органдары «Әкімшілік іс жүргізудің бірыңғай тізілімі» ақпараттық жүйесінде толық электрондық форматқа көшкен. Осыған байланысты салықтық әкімшілендіруде жаңа функционал енгізілді.

Енді салық органына келу қажеттігі туралы хабарламалар электронды түрде жолданады. Олар салық төлеушінің СӘИЖ жүйесіндегі жеке кабинетіне, eGov mobile қосымшасына және 1414 нөмірі арқылы SMS ретінде жіберіледі.

Мемлекеттік кірістер комитеті SMS-хабарламалардың тек ақпараттық сипатта болатынын атап өтті.