Telegram-ның негізін қалаушы Павел Дуровқа  заңсыз контенттің таралуына қарсы әрекет етпегені үшін айып тағылды, артынша қамаудан 5 миллион еуро кепілмен босатылды, деп хабарлады сәрсенбі күні кешке France 24 телеарнасы Париж прокурорына сілтеме жасап.

Дуровқа Франция аумағынан шығуға тыйым салынды және аптасына екі рет полицияға барып, белгіленіп тұруы керек.  

Telegram негізін қалаушы Павел Дуров-тың жеке ұшағы 24 тамызда Ле Бурже әуежайына қонған кезде ұсталды. Франция прокуратурасының мәлімдемесіне сәйкес, Дуров 12 қылмысқа қатысы бар деген күдікке ілінді: олардың барлығы Telegram-ды пайдалануға қатысты.