Қазақстанның Автокөлік Одағы мәліметінше, 2026 жылдың ақпан айында Қазақстанда 13 399 жаңа жеңіл және коммерциялық автокөлік сатылған.

Бұл көрсеткіш өткен жылдың сәйкес кезеңімен салыстырғанда 16,1%-ға төмен. Ал биылғы жылдың алғашқы екі айының қорытындысы бойынша 27 643 автомобиль сатылып, нарық өткен жылмен салыстырғанда 1,5% өсім көрсеткен.

ҚАО президенті Анар Мақашеваның айтуынша, ақпанда сауда көлемі азайғанымен, жыл басындағы жалпы динамика оң болып отыр. Сондай-ақ ай ішінде ең танымал модельдердің барлығы Қазақстанда құрастырылған көліктер екені атап өтілді.

Ақпан айында ең көп сатылған ТОП-10 бренд:

1. Hyundai – 2768 көлік

2. Kia – 2402

3. Chevrolet – 1975

4. Chery – 1043

5. Jetour – 808

6. Changan – 748

7. Haval – 535

8. Geely – 403

9. JAC – 357

10. Toyota – 288.

ТОП-10 қатарына кірмесе де, BYD жақсы нәтиже көрсетіп, 268 гибрид және электромобиль сатқан. Бұл бір жыл бұрынғыдан 793,3%-ға көп.

Ал ақпанда ең көп сатылған модельдер қатарында:

• Chevrolet Cobalt – 1761 дана,

• Hyundai Tucson – 1744 дана,

• Kia Sportage – 1278 дана болды.