Қазақстанда мұнай-газ химиясы саласындағы жаңа өндірістік жобалар іске қосылуда. Бұл бастама маңызды химиялық өнімдерді өндіруге бағытталған.

Үкімет отырысында саланың даму стратегиясы талқыланып, Ақтөбе облысы мен Ақтау қаласында карбамид және аммиак-карбамид кешендерін салу жоспарланғаны айтылды. Бұл зауыттар 2029 жылы іске қосылады.

Сонымен қатар, басқа да маңызды жобалар қарастырылуда:

Алкилат өндірісі – 2027 жылы іске қосылады.

Полиэтилентерефталат (ПЭТ) өндірісі – 2029 жылы басталады.

Бутадиен өндірісі – 2028 жылы іске қосылады.

Бұл жобалар мұнай-химия өнімдерінің кең спектрін қамтиды – тыңайтқыштардан бастап пластмасса мен резеңке бұйымдарына дейін. Қазіргі уақытта жобалар әртүрлі кезеңдерде: жобалық құжаттаманы әзірлеу, серіктестерді іздеу және қаржыландыру механизмдерін анықтау.

Бұл бастамалар Қазақстанның экспорттық әлеуетін арттыруға, мыңдаған жаңа жұмыс орындарын құруға, сондай-ақ стратегиялық өнімдер бойынша импортқа тәуелділікті азайтуға мүмкіндік береді.