Қазақстандағы алғашқы атом электр станциясының құрылысы 2027 жылы басталады.

Бұл туралы Президент Қасым-Жомарт Тоқаев Парламент палаталарының бірлескен отырысында мәлімдеді.

Мемлекет басшысы АЭС құрылысы елдің энергетикалық егемендігін нығайтатын стратегиялық жоба екенін атап өтті. Оның айтуынша, атом энергетикасын дамыту туралы шешімді қазақстандықтар 2024 жылғы жалпыұлттық референдумда қолдаған.

Президент Қазақстанның уран өндіруден әлемде көш бастап тұрғанын және ядролық инфрақұрылымының жеткілікті екенін айтып, атом электр станциясы болашақ цифрлық экономиканың сенімді энергетикалық негізіне айналатынын жеткізді.

Қазіргі таңда елімізде басқа да ірі энергетикалық жобалар жүзеге асырылып жатыр. Алғашқы АЭС құрылысының құны шамамен 16,4 млрд долларды құрайды. Жобаның негізгі вендоры – «Росатом». Компания басшысы Алексей Лихачевтің айтуынша, құрылыс жұмыстарын 2030 жылы аяқтау жоспарланып отыр.