«ҚазМұнайГаз» Ұлттық мұнай-газ компаниясы (ҚМГ) Қытайдың жетекші мұнай-газ корпорациясы China National Offshore Oil Corporation (CNOOC)-пен серіктесе отырып, «Zhylyoi Operating» атты бірлескен кәсіпорын құрды.

Кәсіпорын Каспий теңізінің солтүстік-шығыс бөлігіндегі «Жылыой» учаскесінде көмірсутек шикізатын барлау мен өндіруге бағытталған. Тараптар 2025 жылғы 24 маусымда барлау және өндіру жөніндегі келісімшартқа қол қойған.

• Бірлескен кәсіпорындағы үлестер: ҚМГ – 50%, CNOOC – 50%.

• Инвестициялар көлемі: кемінде $31,5 млн.

• Зерттеу кезеңіндегі шығындарды CNOOC қаржыландырады.

• «Zhylyoi Operating» ресми түрде 2025 жылғы 25 қыркүйекте тіркелді.

• CNOOC атынан жобада CNOOC Hong Kong Holding Limited компаниясы қатысады.

• Кәсіпорынның директоры болып Ху Гэнчэн тағайындалды.

• Учаске аумағы: шамамен 960 шаршы шақырым.

• Болжамды мұнай ресурсы: 185 млн тоннадан астам (алдын ала бағалау).

Геологиялық барлау жұмыстары аясында:

• 400 км² аумақта 3D-сейсморазведка жүргізіледі (дала жұмыстары, мәліметтерді өңдеу және интерпретация).

• 400 шақырымдық 2D-деректер қайта өңделеді.

• Екі барлау ұңғымасы бұрғыланады:

  • 2000 м тереңдікте – үстіңгі тұз қабатындағы,

  • 4500 м тереңдікте – тұз асты қабатындағы (нақты тереңдік сейсмобарлау нәтижесіне байланысты анықталады).

ҚМГ 2024 жылы қыркүйекте стратегиялық серіктес іздеу туралы хабарландыру жариялаған. Үміткерлерге қойылған талаптар қатарына мыналар кірді:

• Өнеркәсіптік мұнай өндіруде кемінде 10 жыл тәжірибе;

• Геологиялық барлауда кемінде 5 жыл тәжірибе;

• $200 млн көлемінде меншікті капитал;

• Кәсіби менеджмент пен саладағы халықаралық тәжірибе.

Алайда, егер серіктес немесе оның бас компаниясы Forbes Global 2000 тізімінде болса, бұл талаптар жеңілдетілуі мүмкін еді. CNOOC бұл тізімде 84-орында тұр, сондықтан ол серіктестікке тікелей лайық деп танылды.

Бұл серіктестік Қазақстан мен Қытай арасындағы энергетикалық ынтымақтастықты тереңдете түседі. Сонымен қатар, ҚМГ-ның халықаралық инвесторлармен бірлесе жұмыс істеуге дайын екендігін көрсетеді.