Жапония 26 наурыздан бастап мемлекеттік мұнай қорынан шикізатты босатуға кіріседі.
Бұл шешім Таяу Шығыс аймағындағы шиеленістің күшеюіне байланысты қабылданған. Елдің премьер-министрі Санаэ Такаити мәлім еткендей, бұл шара жанармай бағасының күрт өсуіне жол бермеу және ұлттық экономикаға түсетін қысымды азайту мақсатында жүзеге асырылмақ. Тиісті шешім профильді министрліктердің қатысуымен өткен арнайы отырыста қабылданды.
Бұған дейін, 16 наурыздан бастап, Жапония мұнай өнімдері бағасының өсу қаупіне байланысты қор көлемін кезең-кезеңімен қысқарта бастаған еді.
Айта кетейік, бұл 1978 жылдан бері Жапонияның халықаралық келісімдерсіз, өз бетінше мемлекеттік мұнай қорын босатуының алғашқы жағдайы.
