Еңбек және халықты әлеуметтік қорғау министрлігі зейнетақыны проактивті тағайындау бойынша пилоттық жобаның аяқталғанын хабарлады.

Бұл туралы вице-министр Олжас Анафин орталық коммуникациялар қызметінде өткен баспасөз мәслихатында мәлімдеді.Олжас Анафин

Анафиннің айтуынша, бастапқыда жобаға мемлекеттік корпорациялар қатысқан. Олар 1998 жылға дейінгі еңбек өтілі туралы деректерді зейнет жасына жақындаған қызметкерлер үшін енгізіп отырған. Кейін бұл жұмысқа квазимемлекеттік ұйымдар да қосылған.

Алайда барлық жұмыс берушілердің мұндай ақпаратты толық енгізуге дайын болмауына байланысты пилоттық жоба уақытша тоқтатылды.

– «Жобаны кеңейту әзірге белгісіз. Өйткені барлық жұмыс берушілер қызметкерлерінің бұрынғы еңбек өтілі жөніндегі деректерін, әсіресе 1998 жылға дейінгі кезеңді енгізе алмай отыр. Сондықтан біз басқа бағытта жұмыс істеп жатырмыз. Атап айтқанда, е-архивті цифрландыру және интеграциялау қолға алынады. Еңбек өтілі туралы мәлімет сол жүйеден алынатын болады», – деді вице-министр.