Ұлттық банктің еншілесі Ұлттық төлем корпорациясы банкаралық бірыңғай QR кодтарды 2024 жылдың соңына дейін іске қосады. Бұл туралы бүгін Ұлттық банк төрағасы Тимур Сүлейменов айтты, деп хабарлайды 7kun.kz.
Базалық мөлшерлеме тақырыбына арналған брифингте журналистердің көпшілігінің сұрағы бірыңғай QR-ға қатысты болды. БАҚ өкілдерінің пікірінше қазір QR төлемдерге қатысты мәселе жоқ. Керісінше енгізілген жағдайда кейбір мемлекеттік цифрлық қызметтер сияқты мәселелер туындауы мүмкін. Және қазіргідей түрлі апаттар көбейген қиын кезеңде бюджеттен қаржы шығарып, қосымша қызмет енгізу қажет пе, деп сұрады.
Ұлттық банк төрағасының айтуынша ҰБ-тің еншілесі Ұлттық төлем корпорациясы жүзеге асырып жатқан қызметтің негізгі идеясы - жеке банктерге тиеселі QR төлемді барлық банк тұтынушылары қолдана алатын жүйе құру.
«Мысалы, сіз дүкенге барып, QR арқылы төлем жасағыңыз келсе, негізіген Halyk немесе Kaspi-ді сұрайды. Бірақ Halyk қолданбасымен Kaspi терминалы арқылы төлем жасау мүмкін емес және керісінше. Бұл тұтынушыларға ыңғайсыз деп ойлаймын. Бұл банктер үшін де ыңғайлы емес, өйткені трафиктің бір бөлігі, транзакциялар кетеді.Нәтижесінде адам QR арқылы төлеудің орнына қолма-қол ақшамен немесе басқа жолмен төлейді. Сондықтан, біз осындай жұмыстарды жасап жатырмыз. Ұлттық жүйені жасап жатырмыз, жеңіл айтылуы үшін біз оны «бірыңғай QR» деп атаймыз», - деді Сүлейменов жұма күні Астанада өткен брифингте.
Ол бұл жүйе транзакциялардың кедергісіз болуын қамтамасыз ету үшін жасалып жатқанын атап өтті.
Оның пікірінше биылғы жылдың соңына қазақстандық банктердің басым бөлігін қосу арқылы пилоттық жағдайда іске қосылады. Ал келесі жылы барлық банктерді қамтиды және толыққанды жұмыс істей бастайды.
«Банктер белсенді жұмыс істеуде, олар мұның жүйе үшін, біз бен біз үшін, тұтынушылар үшін пайдалы екенін түсінеді және өздері үшін белгілі бір экономикалық пайданы түсінеді, егер нарықты кеңейтсең, транзакция көбірек болады», - деп қосты ҰБ төрағасы.
Айта кетейік, Қазақстанда барлық банк үшін бірыңғай QR коды енгізілетіні 2022 жылы хабарланған.
Ұқсас материалдар
