«ҚазМұнайГаз» (ҚМГ) және оның еншілес ұйымдары қатысатын елдерде қанша салық және әртүрлі төлемдер төлегені туралы есепті жариялады. Жарияланған кестелерде салықтар, соның ішінде пайдалы қазбаларды өндіру салығы, қол қойу бонусы және басқа да төлемдер көрсетілген.

Жалпы алғанда, ҚМГ және оның көмірсутектерді өндірумен, тасымалдаумен, өңдеумен айналысатын және мұнай сервистік қызметтер көрсететін еншілес ұйымдары шамамен 1,9 трлн теңге түрлі салықтар төлеген. Оның ішінде Қазақстанға 931,4 млрд теңге, шетелге төлеген 944,2 млрд теңгеден аз. 

Қазақстандық активтер ішінде ең көп салық төлегені – Маңғыстау облысында мұнай мен газ конденсатын өндіретін еншілес компаниясы «Өзенмұнайгаз»: 276,4 млрд теңге.
Екінші орында салық көлемі бойынша Атырау МӨЗ (152,6 млрд теңге).
Үшінші орында – Атырау облысында мұнай өндіретін еншілес компания «Ембімұнайгаз» (146,1 млрд теңге). Павлодар мұнай-химия зауыты 139,2 млрд теңге, «ҚазТрансОйл» – 42,4 млрд теңге, «ҚМГ Қарашығанақ» – 39,7 млрд теңге, ЧКОО «КМГ Қашаған Б.В.» – 31,1 млрд теңге. 

Ал Румынияда жұмыс істейтін KMG International N.V. 794,8 млрд теңге төледі. Бұл компания басқа елдерде де бар. Молдовада салық сомасы 67,2 млрд теңге, Грузияда – 38,3 млрд теңге, Болгарияда – 33,6 млрд теңге, Нидерландыда – 5,6 млрд теңге, Швейцарияда – 2,1 млрд теңге құрады. Осылайша, KMG International N.V. жалпы салық сомасы 941,5 млрд теңгені құрады. Грузияда KMG International N.V.-дан басқа ҚМГ-ның тағы бір еншілес компаниясы – «ҚазТрансОйл» жұмыс істейді, оның төлемдері 1,6 млрд теңгені құрады. Ұлыбританияда «ҚМГ Қазмортрансфлот» ЖШС 593 млн теңге, Әзербайжанда «KMG Drilling & Services» ЖШС – 294 млн теңге, Германияда Dunga Operating GmbH – 196 млрд теңге, Ресейде «KMG Systems & Services» ЖШС – 2 млн теңге төледі.

2024 жылдың 1 сәуіріне қарай «ҚазМұнайГаз» акционерлерінің тізімі келесідей: «Самұрық-Қазына» ҰӘҚ – 67,42%, Қаржы министрлігі – 20%, Ұлттық банк – 9,58%.