Қазақстанда атом электр стансасын салу – уақыт талабы және ол еліміздің бүкіл тарихындағы ең ірі жоба болады, деп мәлімдеді Қазақстан Президенті Қасым-Жомарт Тоқаев.

"Атом электр станциясын салу – ұзақмерзімді жоба. Алайда бұл бастама еліміздің орнықты дамуын онжылдықтарға ілгерілетеді, энергетикалық дербестігімізді нығайтады, экономиканың, ғылым мен білімнің түрлі саласын өркендетуге тың серпін береді, сондай-ақ инженерлер шоғыры мен әртүрлі бейіндегі мамандар легін қалыптастыруға ықпал етеді. Заманның талабы осы", - деді Мемлекет басшысы бейсенбіде барлық деңгейдегі мәслихаттар  депутаттарының екінші республикалық форумында. 

Ол АЭС құрылысының пайдасын қазіргі жастарымыз бен болашақ ұрпақ көретінін атап өтті. 
Айта кетейік,  6 қазанда Қазақстанда АЭС құрылысы бойынша республикалық референдум өтеді.

Фото: Akorda.kz