Вячеслав Ким Қаржы нарығын реттеу және дамыту агенттігіне Jusan Bank акцияларының 97,5%-ын сатып алуға өтініш берді. 

«Мен Jusan Bank акцияларының 97,5% сатып алуға өтініш бердім. Қазір бұл өтінім қаржы нарығын реттеу және дамыту агенттігінің қарауында. Реттеуші өтінімді егжей-тегжейлі зерттегеннен кейін шешім қабылдайды. Бұл мәміленің Kaspi.kz компаниясына қатысы жоқ», – деді Вячеслав Ким.

Заң бойынша өтінім 50 жұмыс күніне дейін қаралады. 

Вячеслав Ким – алматылық, экономист, қаржыгер, қоғам қайраткері, Kaspi.kz негізін қалаушылардың бірі, акционері және директорлар кеңесінің төрағасы. 2024 жылы әлеуметтік жобаларды жүзеге асыру үшін Añsa Foundation қайырымдылық қорын құрды.