Boeing жұмысшылары компания басшылығы мен Халықаралық машинистер мен аэроғарыш жұмысшылары қауымдастығының (IAM) жетекшілерінің келісіміне қарсы дауыс берді. Осылайша, ұшақ жасау концернінің кәсіпорындарында 13 қыркүйекте басталған ереуіл жалғасатын болды.

Бұған дейін хабарланғандай, Boeing IAM жетекшілерімен 4 жыл ішінде қызметкерлердің жалақысын 35%-ға арттыруды көздейтін жаңа еңбек шартының талаптарына келіскен. Сәрсенбі күнгі жұмысшылардың 64%-ы қарсы дауыс беріп, қабылдамай тастады, деп хабарлайды The Wall Street Journal.

737, 767 және 777 ұшақтары шығарылатын Boeing зауыттарындағы ереуіл кезінде компания айына шамамен 1 миллиард доллар шығынға ұшырады.

Кеше жарияланған компания есебіне сәйкес, Boeing үшінші тоқсанда 6 миллиард доллардан астам таза шығынды тіркеді. Оның басшылығы тек 2025 жылдың екінші жартысында қаржылық жағдайы оңалатынын және оған дейін шығын жалғасатынын ескертті. 

Биылғы жылдың басынан бері Boeing акциялары шамамен 40%-ға арзандады.